Tuesday, October 04, 2005

Is Waqt

Is waqt toh yoon lagta hai, ab kuch bhi nahin hai,
mehtaab na sooraj, na andhera, na saveraa,

aankhon ke dareechon pe kisi husn ki chilman
aur dil ki panaahon mein kisi dard ka daira,

mumkin hay koi wehem tha , mumkin hay sunaa ho
galion mein kisi chaap ka ik aakhri phaira

shaakhon mein khayalon ke ghaney paed ki shayad,
ab aa kay karegaa na koi khwaab baseraa,

ik baer, na ik meher, na ik rabt, na rishta
tera koi apna, na paraya koi mera,

maanaa kay yeh sunsan ghadee sakht kadee hai,
lekin mere dil yeh to faqat ek ghadee hai

himmat karo jeenay ko toh ik umr padee hai...

~Faiz

No comments: