Aab-o-hawaa

Khumar-e-gham hai mehekti fizaa mein jeete hain,
Tere khayaal kii aab-o-hawa mein jeete hain,

Bade tapaak se milte hain milne wale mujhe,
Wo mere dost hain terii wafaa mein jeete hain,

Firaaq-e-yaad main saanson ko roke rakhte hain,
har ek lamha guzarti kazaa mein jeete hain,

Na baat poori hui thhi ki raat toot gayii,
adhoore khwaab kii aadhi sazaa mein jeete hain,

Tumhaari baaton main koi masihaa bastaa hai,
haseen labon se barasti shafaa main jeete hain...

~Gulzar

Two soggy eyes ... and an emptiness...